مقدمه
مفيش سفره ولا عزومه في رمضان من غير صينيه البطاطس بالحمه انسي أي طريقه جربتيها وشوقي الطريقه دي صينيه بطاطس هتشرفك في البيت والعزومات زي بتاعت زمان وكل الافراد هتعشقها.
المكونات
- لحمه
- بطاطس قطع البطاطس شرايح
- بسله
- جزر
- فلفل رومي
- ثوم
- بصل
طريقه التحضير
- اول حاجه هنسلق اللحمه نصف سلقه (لو هي لحمه كبيره وخايفه متستواش معاكي)لكن لو هي لحمه ناعمه همعمل كله ف صينيه واحده من غير سلق للحمه لكن لو سهنسلها تبقي نصف سلقه وناخد الشربه بتاعتها نطعم بيها الصينيه
- هنحضر الصينيه الي هنعمل فيها ونقطع فيها شرايح بصل وثوم ونقطع البطاطس شرايح لا سميكه ولا رفيعه تكون متوسطه الحجم ونقطع الفلفل حلقات وممكن نزود فلفل حامي حسب الرغبه ونطيف البسله وشرايح الجزر ونحط بهاراتنا وهي (فلفل اسود وملح وكمون وبابريكا وبهارات لحمه والمكون ال هيودي الطعم في حته تانيه هي القرفه نصف معلقه وممكن نحط عود قرفه وكمان السبع بهارات)
- هنقلب المكونات مع بعض عشان تاخد من البهارات وتتطعم بيها هنزل بيهم في الصينيه بتاعتي مع شويه زيت ومعلقه سمنه بلدي واقلبهم مع بعض بتشوحو من خمسه لعشر دقايق عبل منعمل عصير الطماطم بتعنا هنحط في الخلاط من اربعه الي خمسه طماطم ونطربهم كويس وبعدين اطلع قطع اللحم من السربه واحطهم في صينيه البطاطس واقلبهم كويس عشان يخدو من طعم بعض واحط عصير الطماطم بتاعي واسبهم ربع ساعه مع بعض بعدين اضيف الشربه بتاعتي وادخلهم الفرن سابق تسخينه علي درجه حراره عاليه في الأول في الرف الأوسط بعدين اوطي النار في أواخر التسويه وأول متستوي اطفي النار من تحت وأول الشوايه تاخد لون حلو من الوش وبالف هنا وتتاكل مع رز ابيض او رز مفلفل وبالهنا والشفا.
