أسهل طريقة لعمل البرام الفلاحى
طبعا كلنا عارفين أن أي اكل في الفخار بيبقي ليه طعم مختلف ومميز ودي طريقه البرام باللحمه طريقه من بتاعت ايام زمان حاجه في منتهي الجمال هتعجيب كل الافراد هنقولها بطريقه سهله وبسيطه وطبعا مبتخدش وقت في تحضيرها تعالو نشوف المقادير (الأرز المعمر)
المكونات
- ارز مصري مغسول فقط (مش منقوع)
- نصف كيلو لحمه (أو حسب الرغبه)
- لبن
- زيت وسمنه
- قشطه بلدي
- ملح وفلفل اسود وجوز الطيب وبهارات لحمه
الطريقه( طريقة عمل البرام الفلاحي باللحمة)
- اول حاجه هنبدا بيها وهي تسويه اللحمه ثم نشوحها ونسلقها نصف سلقه
- ولو اللحمه ناعمه جدا هنشوحها فقط من غير منسلقها عشان متتهريش معانا في البرام أو الحلة.
- هنحضر الرز بتاعنا مغسول فقط ثم نضيف عليه الملح والفلفل الاسود وبهارات اللحمه والزيت بتاعنا حولي خمس معالق زيت علي نصف كيلو رز مصري ونقلبهم كويس جدا مع بعض.
- بعدين هنحضر البرام بتاعنا ثم ندهنه سمنه معلقه صغيره ثم نضيف نصف كميه الارز.
- بعدين هنحضر البرام بتاعنا ثم ندهنه سمنه معلقه صغيره
- ثم نضيف نصف كميه الارز في البرام ثم نصع اللحمه بتاعتنا بعد سلقها وطبعا مظبتين ملحها وفلفلها.
- ثم نضع علي اللحمه باقي كميه الارز وعلي الوش نضع القشطه البلدي.
- وفي الوقت دا نسخن اللبن بتاعنا ونضيفه علي الارز اللبن
- بيكون اخر شي ولازم يكون سخن عشان ميغبش معانا في التسويه
- ولو البرام لسه محتاج لبن هنضيف بداله ميه لازم اللبن والمياه تكون مغطيه الارز يدوب نسيب اخر عقله من البرام عشان ميكبش مننا اللبن واحنا بنعمل البرام الفلاحي باللحمة.
طريقه التسويه
- اولا في تسويه في الفرن العادي( هنولع الفرن من تحت علي نار عاليه ومن فوق علي نار متوسطه حتي يحمر الوجه ثم نوطي النار ولما البرام يغلي ويتشرب الميه بتاعته هنوطي النار من تحت كدا النار من فوق ومن تحت عل نار بسيطه ثم نسيبه حتي ينضج).
- ثانيا التسويه في فرن البوتاجاز ( هنسخن الفرن مسبقا علي اعلي درجة حرارة لمده نصف ساعه ثم نولع من تحت ومن فوق اول ماللبن يتشرب هنوطي النار حتي ينضج .
وبالهنا والشفا احلي برام فلاحي باللحمة.
